Zinema; sanferminak; Inauteri olinpikoak; itsasoa; musika; ipuinak, komikiak eta pelikulak; ospakizun kulturalak; lanbideak; eta telebistako pertsonaiak. Azken urteetan gai horietan oinarritutako mozorroak eta karrozak prestatu dituzte herritarrek. Zein izango ote da datorren urtekoa? Antzeko galdera bat egin die udalak herritarrei, "lehenbailehen" hartzeko erabaki bat. "Nahi dugu lasarteoriatarrek eta konpartsek denbora izatea Inauteriak ongi prestatzeko".
Txartelak banatu dituzte etxez etxe eta buzoiz buzoi. Urriaren 31rako jaso nahi dituzte proposamenak, ostegunez. Udaletxean postontzi batzuk jarri dituzte; bertan utzi beharko dituzte papertxoak herritarrek.