Bartzelonako Bernat Picornell igerilekuan infantil mailako Espainiako txapelketa ari da lehiatzen. Uztailaren 27an hasi zen eta gaur da azken jardunaldia.
Egun horietan, Buruntzaldea IKTko Nora Imazek eta Aintzane Sarobek igerileku olinpikora lau alditan egin dute jauzi. Ez dute euren probetako finaletan egoterik lortu, baina sailkapen saioetan markak ondu dituzte. Sarobek 100 m. bizkar, 50 m. eta 200 m. libreetan bere marka pertsonalak hobetu ditu. Imazek, berriz, 100 m. libre probakoa.
Orain, 800 m. probako sailkapen saioa du Imazek.
Munduko txapelketa prestatzen
Buruntzaldea IKTko igerilariek atseden hartuko dute irailera arte, Nahia Zudairek izan ezik. Zudaire irailaren 9tik 15era Londresen izango da Munduko Txapelketan eta txapelketa prestatu behar du.