Babarrunak, kontserbak, esnea, pasta… 8.928 kilo janari banatu dira. Kasu batzuetan, 3 urtez beherakoei zuzendutako jakiak izan dira: haurrentzako zerealak, esne-hautsa eta haurrentzako pototxoak. Elikagaiak pertsona behartsuenei laguntzeko dagoen Europar Funtsak eman dizkio udalari.
Banaketa egin baino lehen, gizarte langileek 146 familiak aztertu dituzte, programa honetako onuradun izateko beharrezkoa baita udaleko tasen eta prezio publikoen salbuespen eta hobarien zerrendan egotea eta aldeko txosten sozial bat izatea. Ekimenean izena emateko udaletxeko erregistro orokorrean eskaera-orri orokorra bete behar da.
Bestalde, udalak eskerrak eman nahi dizkie Gurutze Gorriko kideei Lasarte-Oriako pertsona behartsuenen alde egindako lanagatik. “Haien sostengurik gabe ezinezkoa izango baitzen lan hau egitea”.