Aurten txapelketa motzagoa aurreikusi dute. Bi fase izango dira, baina lehenengoan ligaxka jokatuko dute partida bakarrera. Norgehiagokak Loidibarrengo pilotalekuan uztaileko asteazkenetan jokatuko dituzte, 18:30etik 21:30era. Lehena asteazkenean izan zen eta hurrengoak uztailaren 10ean eta 17an izango dira.
Uztailaren 26an, Santa Ana Egunean jokatuko dute buruz buruko nagusia. Aurretik, hirugarren eta laugarren postuak izango dira jokoan. Era berean, Mindara elkarteko kideek gurpildun aulkiko pala erakustaldia egingo dute.