Erketz, Erketz txiki eta Erketzeko lagunek ikasturteari amaiera eman diote

Sanpedroen aurreko emanaldia eskaini du Erketz EDT dantza taldeak Okendo plazan. Erketz Txiki eta Erketzen Dantza Lagunak ere aritu dira ikus-entzuleen aurrean. Gaur iluntzean ere aterako dira kalera dantzatzera, San Joan Suan

Agurra, Legazpiko ezpata-dantza, aurkez aurkez eta uztai-txiki dantzak plazaratu zituen Erketzek. Dantzari gazteenek, Erketz Txikikoek, hauek: txantxoak, zapatain-dantza, orbaizeta, sardiñerak, axuri beltza, larrain-dantza eta Igitai-dantza. Azkenik, Auritzeko ingurutxoa eta sorgin dantza egin zituzten Erketzen Dantza Lagunek. Erromeria erraldoi batean aritu ziren parte-hartzaile guztiak bukaeran.