Udal hauteskundeak

Parte hartzea %50,4koa izan da 18:00etan, azkeneko udal bozetan baino %1,7 gutxiago.

Herritarrak normaltasun osoz bozkatzen ari dira gaur. Hauteskunde mahaietan lanean ari diren herritarrek adierazi dutenez, duela hilabeteko hauteskunde orokorretan baino jende gutxiago ari da mugitzen oraingoz. 

Alkate izateko hainbat hautagairekin egin du topo TXINTXARRIk gaur goizean. Jesus Zaballosek (PSE-EE), Jon Martinek (EH Bildu) eta Jon Antxordokik (EAJ) Sasoetako ikastetxean eman dute bozka. 

Hauteskunde eguneko irudi bitxienetako bat Manuel Lekuona kultur etxean gertatu da: Mari Carmen Sanchezek 87 urte ditu, eta familiarekin joan da botoa ematera.