Ikastolen aldeko festan parte hartzeko aitzakiarik ez dago. Ttakun Kultur Elkarteak eta Hernaniko Dobera elkarteak autobusak antolatu dituzte Herri Urratsera eta Ibilaldira joateko. Maiatzaren 12an 09:00etan aterako da autobusa Senpere aldera. Itzultzeko 19:00etan hartuko dute autobusa. Bazkideek hamar euroren truke joan ahalko dute, eta, gainerakoek, hamabi euroren truke.
Prezio berbera izango du Ibilaldiara joateko autobusak. 09:15ean aterako da Tajamarretik, eta 19:00etan izango da itzulera. Izena eman daiteke Ttakun Kultur Elkartean, 943 37 14 48 telefonoan, edo kultura@ttakun.eus e-postan. Hiru egun aurretik hartu beharko dira tiketak.