21. Korrika

Euskararen aldeko aldarria, argi eta ozen

21. Korrika igaro da Lasarte-Oriatik. Hainbat elkartek eta eragilek pasa dute lekukoa eskuz esku. Eguraldiak lagundu du, eta jende ugari atera da furgonetaren atzetik euskararen alde korri egitera. Donostia alderantz abiatu da Korrika. 

Ezin zitekeen gehiago eskatu. Jai giroko ostirala Lasarte-Orian, zerua oskarbi, eta kalean egoteko giro aparta. Zubietatik iritsi da Lasarte-Oriara 21. Korrika, 15:30ean, egun argiz. Herriko lehen kilometroak Ttakun euskara elkarteak egin ditu. Udako Txokoetako begiraleek eta koordinatzaileek eraman dute lekukoa Hipodromo etorbideetik gora. Elkarteak erabaki du haiek izatea Ttakuneko ordezkariak Korrikan, haurrentzako aisialdiak euskara sustatzeko duen garrantzia aitortzeko, eta langile horien konpromisoa eskertzeko.

Herriguneko kaleetara iritsi ahala, jendea batzen hasi da. Herriko beste eragile ugarik eraman dute lekukoa: Erketz EDT, Ostadar, LAB, Gurasoen Elkarteak, EH Bildu, udala, Xumela, Argia, Sorgin Jaiak, Zabaleta Auzolan, EAGI..., besteak beste. 

Errekalden, Añorgara bidean, utzi diete lekukoa donotiarrei. Gipuzkoatik ibiliko da gaur gauean Korrika, eta Bizkaiara itzuliko da berriro. 

 

https://youtu.be/Y6IWUU3dY9w

Erlazionatuak

Ttakunen kilometroa

Lasarte-Oria

Ttakunen Udako Txokoetako langileek hartu dute lekukoa 21. Korrika Lasarte-Oriara sartzean. 
21. Korrika (furgonetatik)

Lasarte-Oria

TXINTXARRI Korrikaren furgonetan sartu da, eta herriari bira eman dio korrikalarien aurretik. 
Korrika 21 (5. zatia)

Lasarte-Oria

[ZUZENEAN] - 21. Korrika Donostira bidean

Lasarte-Oria

21. Korrika goizean goiz sartu da Gipuzkoan. Lasarte-Oriatik igaro da eta orain Donostian dabil