Iristear da Korrika herrira. Bizkaian sartu da gaur, eta bihar ere lurralde horretan egingo du. Kostaldetik barrena sartuko da ostiralean Gipuzkoara. Zumaira iritsi ondoren, barnealdera sartuko da, Zestoara eta Azkoitira. Berriro egingo du kostaldera, eta Orio eta Usurbil igaro ondotik, Lasarte-Oriara ailegatuko da. Herriko kaleetan jende andana espero da. Eguraldi iragarpena aldatu daiteke oraindik, baina oraingoz zaila izango da ateri eustea. Zabaletara igo eta Zumaburun buelta emango du, eta Donostiarako bidea hartuko du gero.
21. Korrika
Korrikarako azken prestakizunak
Ostiralean 15:30ean iritsiko da Lasarte-Oriara. Ordubetez herriko kaleak zeharkatuko ditu. Hipodromo zubitik iritsiko da lekukoa, eta Zabaleta eta Zumaburutik pasatuko da.
