Herriko euskal presoen egoeraren berri eman zuten Anais Funosas Bake Bidean elkarteko kideak eta Maritxu Paulus abokatuak asteartean, Mercero aretoan. Lasarte-Oriako Sare Herritarrak presoen eskubideen urraketak salatzeko antolatu dituen hitzaldietako bat da. Martxoaren 26an, Azken arnasa arte dokumentala emango dute, eta senideek haien bizipenak kontatuko dituzte.