EITBko Gure Doinuka saioa grabatu dute astelehen arratsaldean, Lasarte-Orian. Onintza Enbeitak gidatzen duen saioan, Pirritx, Porrotx eta Marimototx izan dira protagonistak. Ttakunenean elkartu dira, eta pailazoen abestiez, musikaz, koreografiez... hitz egin dute. Herriko hainbat haur eta heldu ere bertan izan dira, eta denek elkarrekin zenbait kanta abestu eta dantzatu dituzte. Otsailean ikusi ahal izango da grabazioa telebistan.