Ez da kasualitatea izan. Aterpeak antolatu duen 'Kultura Leku Guztietan' egitasmoko azken musika emanaldiaren ardatza gabon kantak izan ziren. Estilo horretako abestiak bertsionatzen ditu Eider Elorza bakarlari donostiarrak. Goikalen aritu zen, ostiral arratsaldean.
'Kultura Leku Guztietan' ekimenaren helburua da musika Lasarte-Oriako auzo eta kaleetara eramatea. Azaroan eta abenduan makina bat kontzertu egin dituzte, estilo desberdinetakoak. Joyleboy artistak estreinatu zuen zikloa, Pablo Mutiozabal kalean. Ostiraleko emanaldira bitartean beste lau kontzertuz gozatu dute lasarteoriatarrek.