Beldur Barik sarietara aurkezteko epea, azaroaren 9ra arte

Beldur Barik sarietara aurkezteko epea, azaroaren 9ra arte
Laugarren aldiz antolatuko dute Beldur Barik lehiaketa. Emakumeek jasaten duten bereizkeria egoerari aurre egiteko arte adierazpen oro aurkeztu dezakete neska-mutilek

Laugarren aldiz antolatuko dute Beldur Barik lehiaketa. Emakumeek jasaten duten bereizkeria egoerari aurre egiteko arte adierazpen oro aurkeztu dezakete neska-mutilek. 12 urtetik 26ra bitarteko gazteek parte hartu dezakete. Izena emateko azken eguna azaroaren 9a da. www.beldurbarik.org webgunean dagoen formularioa bete beharko dute horretarako. 

Bi kategoria izango dira. 12-17 urte bitartekoentzako, eta 18-26 artekoentzako. Lehenengo saria irabazten duenari 200 euro emango diote; bigarren saria 100 euro izango dira. 

Proiektuek Beldur Barik jarrera islatu behar dute. Alegia, emakumeen aurkako indarkeria gainditzeko harreman libre, parekide eta ez sexistak eraikitzeko konpromisoarekin bat egin behar du.