Artolaren aurka ariko da Arteaga II.a gaur, lau t'erdiko txapelketan

Artolaren aurka ariko da Arteaga II.a gaur, lau t'erdiko txapelketan
Kanporaketa interesgarria gaur Azpeitiako Izarraitz frontoian. Artolak eta Arteaga II.ak neurtuko dituzte indarrak; udan ederki aritu dira biak, eta sasoiko iristen dira kanporaketara

Irabazten duenak lau t'erdiko txapelketan jokatzeko txartela lortuko du. Jaialdia 22:00etan hasiko da; gaueko aurreneko neurketa izango da hori. Hirugarren neurketa ere lau t'erdirako sailkatzeko baliogarria izango da: Victorrek eta Lasok jokatuko dute.

Herriko taldeek ere neurketa garrantzitsuak jokatuko dituzte bihar Michelinen. Gipuzkoako binakako txapelketan murgilduta dabil Intza. 1go mailakoek joan den asteko sentsazio gazi-gozoak utzi nahi dituzte atzean; Tolosako bikotearen aurka ariko dira. 2. mailakoek EPLErekin neurtuko dituzte indarrak. 16:00etan hasiko dira neurketak.