Nahia Zudaire 32 IDM BERLIN 2018 - World Para Swim World Series-ean dago lehian, Espainiako Selekzioarekin. Atzo Buruntzaldea IKTko gazteak 200 m. libre proba jokatu zuen. Goizean bere marka onduz, 2:42,22 finalerako sailkatu zen. Finalean, berriz, Espainiako errekor berria ezarri zuen, 2:40,29. Horri esker, gazte kategoriako brontzezko domina lortu zuen.
Gaur, ostirala, 800 m. libreetan lehiatuko da, baina asteburuan beste lau probatan izango da: 50 eta 400 metro libreetan, 100 metro bular eta 200 metro lau estiloetan.
Ainhoa Martin ere ederki ari da igeri egiten IV Meet Tiro a Vuolo Nuoto nazioarteko sarian. Lasarte-Oriako gazteak lau estiloko 400 m. probako sailkapenean egin zuen atzo, 5:05,23 eta bihar, larunbata jokatuko den A finalean egongo da. Marka hau 15 urteko Euskadiko errekor berria da.
Martinek lau estiloetako 200 m. probako eta 100 m. bular probako sailkapenak ditu gaur ostirala. Hauez gain, 200 m. bular proba ere egingo du.