Buruntzaldea IKTko igerilariek asteburu bikaina izan dute Gijoneko, Tarbeko (Frantzia) eta Tolosako probetan.
Haitz Mitxelenak master 25-29 mailako 200 m. tximeleta probako Espainiako errekorra ezarri du Gijonen, 2:13,39.
Tarben, berriz, Aintzane Sarobek, Paula Sevillanok, Ainhoa eta Leire Martin ahizpek Gipuzkoako Selekzioarekin lehiatu dute. 9 urre, 3 zilar eta 3 brontze, 9 marka pertsonal eta txapelketako errekor bat ekarri dituzte.
Bestalde, sei taldekidek Udaberriko Ligako lehen jardunaldian 9 marka pertsonal ondu dituzte.
Hau guztiaz gain, Ainhoa Martin eta Nahia Zudairek Espainiako Selekzioaren deia jaso dute. Biek ekainean nazioarteko probetan hartuko dute parte: Martinek Erroman eta Zudairek Berlinen.