Beste lasterketa askotan parte hartu dute aurretik, baina esan daiteke taldeko estreinua Beran egin dutela. Elastiko urdinak soinean, hamahiru taldekide atera ziren Berako irteeratik. Beste hainbat lasarteoriatar ere izan dira bertan. 21 kilometrotan 1.300 metro desnibel positibo gainditu ondoren, denak iritsi ziren onik helmugara. Herritarren artean nabarmentzekoa da Beñat Los Arcosen marka: 2:04. Baita Ritxar Marcosena ere: 2:12.