Lasarte-Oriako ikastetxeetako txikiek bisita berezia jaso dute egun hauetan: Xixuko ahatea.
Astelehenean, Landaberri ikastolako Garaikoetxea eraikinean izan da ikazkinaren laguna; asteartean, berriz, Sasoeta-Zumaburu ikastetxeko txikiekin gozatu du, Sasoeta eraikinean eta euskaltegi zaharrean.
Elurra eta dantza
Xixukok azken aste hauetan bere baserrian elurra egin duela aipatu du. Euri tanta batekin elurra nola egin erakutsi die txikiei, eta haiekin batera Euri tanta banintz abestia dantzatu du.
Olentzero, Mari Domingi eta Xixukoren ongi etorri jaialdirako gonbita egin, eta badaezpada, oraindik prest ez duenarentzat eskutitzak banatu ditu.
Haur eta gaztetxoek ere bazuten Xixukori zer eman, Olentzerorentzat eta Mari Domingirentzat egindako marrazkiak.
Saioen amaieran, guztiekin argazkiak atera ditu.
Xixukoren bisitako irudi batzuk gure galerian.