Lasarte-Oriako Udal Kirol Batzordeak aukeratu ditu aurtengo kirolari nabarmenak: Eneritz Busto atleta eta Axier Arteaga pilotaria. Horrez gainera, Mikel Etxarriren kirol ibilbidea sarituko dute. Sarituak aukeratzeko prozesuan herritarrak eta kirol elkarteak parte hartu dute. Lasarte-Oriako kirolaren festa abenduaren 16an egingo dute, 11:00etan, udaletxeko pleno aretoan. Jesus Zaballos alkateak banatuko ditu sariak eta omenduen plakak.