Hego Euskal Herriko lau selekzioak aurrez aurre lehiatuko dira asteburu honetan, infantil eta kadete kategoriatan. Lasarte-Oriako hiru saskibaloi jokalari izango dira txapelketan, hirurak Donostiako Easo jokalariak.
Kadeteetan Judith Navarrok jokatuko du, Anoetako Abraham Olano kiroldegian. Larunbatean Bizkaiaren aurka izango dute finalaurrekoa, 10:00etan. Irabaziz gero, igandean jokatuko lukete finala, Nafarroa-Araba norgehiagokaren irabazlearen aurka. Hirugarren posturako partida 10:00etan izango da. Eta final handia, 16:00etan.
Kadete mutilek ere Anoetan jokatuko dute txapelketa. Aitor Anabitarte herritarrak jokatuko du Gipuzkoako selekzioarekin. Finalaurrekoa Arabaren aurka jokatuko dute, eguerdian. Igandean izango dira finalak: hirugarren posturakoa eguerdian, eta 18:00etan finala.
Azkenik, Eñaut Buiza arituko da infantil kategorian, Oliten (Nafarroa). Arabaren aurka jokatuko dute finalaurrekoa, larunbatean, 18:00etan. Igandean, 16:00etan izango da finala, eta eguerdian hirugarren posturako partida.