Ezin zuten egun hobea aukeratu Trinkoko kideek urteko bigarren bizikleta irteera egiteko. Giro freskoa kalean eta eguzkia zeruan, bizikleta hartu eta irteera bat egiteko aproposa.
Hamar pertsona elkartu dira gaur goizean Okendo plazan, 09:00etan. Talde argazkia atera, bizikletak hartu eta Ordiziarantz abiatu dira. Hori izan da gaurko ibilbidea: Ordiziarantz joan eta etorri. Gustura geratu dira parte-hartzaileak goizean egindakoarekin.
Trinkoko kideak dagoeneko lehian
Euskal Herriko duatloi eta triatloi denboraldia ez da hasi oraindik, baina Trinkoren kolore berde-beltzak ikusi dira honezkero zenbait probatan. Iurgi Los Arcosek Garingo mendi-lasterketa osatu zuen, eta aurten Kanaria Handietan bizitzen ari den Jon Presak, berriz, Kanaria Handiko maratoi erdia.