9 izango dira guztira 4 eta 6 hilabete bitartean kontratatuak izango diren pertsona langabetuak, Lanbide Euskal Enplegu Zerbitzuak finantzatutako enplegu lokaleko planari esker.
Dagoeneko kontratatuta dauden enplegu dinamizatzaileari, Guztion Lasarte-Oria proiektuaren kudeatzaileari eta 3 elektrikari laguntzaileei gehitu zaizkie beste lau langile. Otsailaren 1ean, lanean hasiko dira 1. mailako ofizial igeltseroa, 1. mailako ofizial pintorea, 1. mailako eraikuntzako peoia eta Lasarte-Oriako gida artistikoaren kudeatzailea.
2016an enplegua sustatzeko ekintza lokaletarako laguntzen bidez, eskualderako 460.734 euroko diru kopuruarekin lagundu du Lanbide Euskal Enplegu Zerbitzuak, eta Lasarte-Oriako Udalak 125.734,78 euro jaso ditu oraingoan.