Gurasosek prentsaurrekora deitu du gaur arratsaldeko 17:30ean, Donostiako Justizia Jauregian (Atotxan). Herritarrak ere gonbidatzen ditu bertara joatera. Donostiako 2. Epaitegiaren deliberoari buruz xehetasunak emango dituzte agerraldian. Funtsean, epaitegiak agindu dio Gipuzkoako Foru Aldundiari ez jarraitzeko errauste plantaren lizitazioarekin, EAEko Auzitegi Nagusiak Gurasos taldeak aurkeztutako suspentsio eskaera aztertu eta horri buruz erabaki arte.