La Pulga eta Lagunak izeneko kuadro flamenkoa dator bihar Okendo plazara euren azken sormena aurkeztera: Ufadak. 80 minutu inguruko ikuskizuna izango da.
20:00etatik aurrera, dantza, kantua, gitarra, perkusioa eta palmak biltzen dituzten kantuen bitartez, flamenkoaren hainbat alderdi eskainiko dituzte: seguidilla, alegria, solea, tangoa, buleria... La Pulga eta Lagunak taldea osatzen dute: Askoa Etxebarrieta Lasheras, La Pulga, dantzaria; Jose Gil, Giliyo, perkusio-jotzailea; Angel Lopez de Toro, cantaorea; eta Aitor Escobar, gitarra-jotzailea.