Eibarko Ipurua kiroldegian hitzordu garrantzitsua dute LOKEko gimnastek bihar. Gipuzkoako amateur txapelketa egingo dute egun osoko jardunaldian.
Goizean Kadete B taldeak hartuko du parte pilota eta uztailekin. Arratsaldean, berriz, Senior A taldearen txanda iritsiko da. Hauek, berriz, pilotarekin soilik lehiatuko direla jakinarazi du Maite Rueda entrenatzaileak.
Taldekako lanak amaitu ostean, bakarkakoei ekingo diete. LOKEko bi izango ditugu modalitate honetan: Alazne Gonzalez eta Aizpea Arroyo. Biak zinta eta pilotarekin arituko dira.
Igandean, berriz, alebinak udaberri txapelketako bigarren fasean lehiatuko dira Tolosako Usabal kiroldegian. 30 taldeen artean egongo dira LOKEko biak: Landaberri eta Sasoeta.