Martxoaren 30etik apirilaren 2ra bitartean egin zen aurtengo Wikimedia konferentzia, Berlinen. Lasarte-Oriak ordezkaritza izan zuen bertan: Iñaki Lopez de Luzuriaga herritarra egon zen Alemaniako hiriburuan. Euskal Wikilarien elkarteko kidea da Lopez de Luzuriaga. Berarekin batera egon zen beste kide bat: Galder Gonzalez.
Besteak beste, 2030. urterako estrategia finkatzea izan da konferentziaren helburua. Guztira 350 pertsonak hartu dute parte, mundu osotik etorriak. "Ezagutza libreak eta aniztasunak jarri dute hizpidea; tartean, hizkuntza gutxituak", kontatu digu Iñakik.