Hitzaldian zehaztu zuenez, Londres eta Kalifornian egon zen bitartean ekin zion gaia lantzeari. Euskal eta europar identitatea sortu zen garaia aztertzen du liburuak: “Ingelesezko Wikipedian sortutako eztabaida baten harira hasi nintzen gaiari buruz ikertzen, materialismo historikoaren ikuspuntutik beti ere, eta ikusi nuen hutsune asko zeudela horren inguruan”, nabarmendu zuen Lopez de Luzuriagak.
Liburuan jasotako garaiari buruzko hainbat datu historiko ekarri zituen idazleak hitzaldira, eta kultur etxera bertaratu ziren herritarrek adi entzun zituzten Lopez de Luzuriagaren azalpenak.
Liburua Elkar dendan edo UEUren web orrialdean eskuratu daiteke.