Honetan, Pello Añorgak 4 eta 5 urteko haurrei zuzendutako ipuinak eskainiko ditu. Saioa arratsaldeko 18:00etan hasiko da.
Saioak
Haur liburutegiko arduradunek jakitera eman dutenez, beste sei saio izango dira abendura bitartean. Programaren helburua ume-umetatik irakurzaletasuna sustatzea da. Ipuin kontalari lanetan, Pello Añorga eta Kontukantoiko lagunak izango dira.
Honela, Pello Añorgak 4 eta 5 urte bitarteko saioa egingo du. Ostegunekoaz gain, azaroaren 17an eta abenduaren 19an ipuinak kontatuko ditu.
Kontukantoiko kideak, berriz, 6 eta 8 urteko haurrak murgilduko dituzte ipuin eta kontakizunen munduan. Lehen saioa, urriaren 25ean izango da. Gainontzekoak azaroaren 10ean, azaroaren 24an eta abenduaren 14an izango dira.
Saio guztiak 18:00etan hasiko dira.
Oharrak
Haur liburutegiko kideek ohartarazten dutenez, oso garrantzizkoa da jarduera bakoitza zein adinentzat den errespetatzea. Horretaz gain, gogorarazten da haurrak bakarrik egongo direla aretoan, eta handik ezingo direla irten ipuin kontaketak dirauen bitartean.