Estropada gazi-gozoa izan zen atzokoa Intza Fernandez herritarrarentzat. Aurreko astean egin ez bezala, uretara irten zen Getaria-Zarautzekin, Kontxako Banderako bigarren jardunaldian arraun egitera. Dena den, kostako taldeak ezin izan zuen joan den igandean eskuratutako laugarren postu hori mantendu, eta Caboren atzetik geratu dira sailkapenean. 11:12.75eko denbora egin zuen Cabok, eta 11:24.08koa Getaria-Zarautzek. San Juanek irabazi du emakumezkoen bandera.
Lehenengo txandan nagusi izan zen Cabo, arestian aipatutako denborarekin. Erreferentzia horiek hartuta, Getaria-Zarautzeko arraunlariek erlojuaren kontrako estropada bat egin zuten, ohorezko txandan aritu ziren beste hiru taldeek -San Juanek, Hibaikak eta Oriok- berehala hartu baitzuten aurrea.
Atzoko estropada izan zen denboraldi honetako azkena. Orain, azarora arte hartuko dute atseden Getaria-Zarautzeko arraunlariek.
Kontxako Banderako sailkapena
Honakoa izan da aurtengo Kontxako Banderaren sailkapen orokorra:
1. San Juan 21:25.24
2. Hibaika 21:26.68
3. Orio 21:38.82
4. Cabo 22:24.52
5. Getaria-Zarautz 22:29.52
6. Arraun Lagunak 22:47.80
7. Deustu 22:48.82
8. Hernani 22:57.86