Lesoinu musika zikloaren 30. urteurreneko emanaldiei amaiera emango dien kontzertua da honakoa.
Lasarte-Oriako taldeak egitarau anitza eskainiko du musika klasikotik hasi bossa-nova eta jazz estiloetara. Emanaldian Ramon Irizar saxojolearen laguntza izango du taldeak.
Lehen aldia da SuBerrik Lezoko herrian jotzen duela eta taldeak gaur egun Lasarte-Orian dagoen maila musikala erakutsi nahi du.