Seniorren Ohorezko B mailan ari den Babyauto Zarautzek ere patrikaratu zituen hiru puntuak pasa den asteburuan. Atzeratutako partidu bat zeukan jokatzeke, Eibarren kontra, Zarauzko Asti zelaian. Etxekoak gailendu ziren, 31-0. Ia norgehiagoka guztietan bezala, eguraldi kaskarrak zaildu egin zuen bi taldeen jarduna. Ez horrenbeste Fran Puertasen jokalariena, hala ere: lau jardunaldiren faltan, euren multzoko txapeldunak dira jada. Lau herritarrek jokatu zuten larunbateko norgehiagoka hori: David Vega eta Xabier eta Ander Rekondo anaiak hasieratik aritu ziren; bigarren zatian zelairatu zen Xabier Prieto.