Guztira bost proba jokatu ziren iragan igandean. 'Gran Premio Inauguracion 1916' izan zen aurrenekoa; lasterketetan debuta egiten zuten zaldiak aritu ziren horretan. Herrian bizi den Ana Imaz prestatzailearen patioko zaldiak izan ziren jaun eta jabe horretan. 'Pinkberry' izenekoak irabazi zuen.
Arratsaldean garaipenak pilatzen jarraitu zuten Imazen zaldiek. Sanlucar de Barramedako Lasterketa Sozietateak antolatutako saria irabazi zuen 'Gran Torinok'. Gainontzeko lasterketetan ere hartu zuten parte herriko ordezkariek: Ramon Avialen 'Cosiris' hirugarren izan zen. Ana Imazen 'Meron' zaldia ere hirugarren izan zen 'Wroclaw' sarian.