Bestalde, Alazne Gonzalez jubenila ere lehiatu zen Gasteizko Abetxuko kiroldegian jokatutako txapelketan. Mazekin hirugarren postua eskuratu zuen, eta bigarrena zintekin. Sailkapen orokorrean bigarren izan zen Gonzalez, eta zilarrezko domina irabazi zuen jubenil mailan.
Iaz egin bezala, Aizpea Arroyo podiumeko maila gorenera aupatu da Euskadiko gimnasia erritmiko txapelketan, senior mailan. Uztai eta mazekin aritu zen: lehenengo eta hirugarren izan zen bi modalitate horietan, hurrenez hurren. Hortaz, sailkapen orokorreko lehenengo postua ere eskuratu zuen.