Astebukaera biribila izan zen aurrekoa Buruntzazpi txirrindularitza taldearentzat. Junior mailan, Luken Carbayeda herritarra nagusi izan zen Mutrikun jokatutako Atxukale sarian. Sprintean Iker Imaz eta Luis Mari Garikano baino bizkorragoa izan zen, eta podiumeko maila gorenera igo. Iñigo Altuna taldekidea zazpigarren helmugaratu zen.
Infantil mailan ere eman zuten zeresana Bazpiko txirrindulari gazteek. Asier Pozo eta Beñat Carbayeda lehenengo eta hirugarren izan ziren, hurrenez hurren.