Bestalde, junior mailan ari den Jokin Alberdi izan zen bizkorrena Zegaman. Nagusitasunez irabazi zuen txirrindulari gazteak, bigarren eta hirugarren sailkatuei 36 segundo ateraz. Ordu bat, 51 minutu eta bederatzi segundotan osatu zuen ibilbidea.
Buruntzazpiko txirrindulari infantilek osatutakoa izan zen talderik onena pasa den larunbatean Irunen jokatutako Gipuzkoako taldekako erlojupeko proban. Markel Aristegik, Ander Altunak, Asier Pozok, Iñaki Errazkinek eta Beñat Carbayedak osatu zuten bosteko taldea.