Udalak Sasoeta pasealekuan egingo dituzten lanen inguruko xehetasunak eman ditu: errepidearen zoladura fresatuko dute eta nahasketa bituminoso berozko geruza bat zabaldu. Beharginak gauez ariko dira lanean. Printzipioz, astelehenetik 6ra eta 9an burutuko dira obra horiek. Eguraldiaren arabera datak alda daitezkeela zehaztu du Udalak.
Lanak egingo dituzten guneetan behin-behineko seinaleak jarriko dituzte. Hala, herritarrek “uneoro” jakingo dute erabili ezingo duten erreia zein den, baita zein sarbide egongo diren moztuak ere. Era berean, lanek iraun bitartean, seinaleek zein aparkaleku ezingo diren erabili ere adieraziko dute,. “Asfaltatze-lanek eragina izango dute aparkaleku, garajeetako sarrera eta zirkulazio erreietan; barkatu eragozpenak”, adierazi du Udalak. Andatza plazan kotxeak utzi daitezkeela ere jakitera eman du Udalak.