Lehenengo postua eskuratuta, urrezko domina kolkoratu zuen, Silvia Alsina gidaren laguntzaz. Andrea Perez kataluniarrak eskuratu zuen zilarrezkoa; Andrea Poo izan zuen laguntzaile. Eguraldi txarra zela kausa, larunbateko saioa bertan behera utzi behar izan zuten antolatzaileek; igandekoan gailendu zen Fernandez.
Urtarrila amaierako arantzatxoa –ezin izan zuen igo podiora, erori egin baitzen I. FEDC kopan– atera zuen Enara Fernandezek pasa den asteburuan, Baqueira Bereten (Herrialde Katalanak) jokatutako II. FEDC kopan. Jubenil emakumezkoen kategorian lehiatu zuen herriko eskiatzaileak.