Udalak jakitera eman duenez, postontzietara 412 proposamen heldu dira. Herritarren erantzun hori dela eta, Udalak bere poza agertu nahi du, “festa horiekin oso motibatuta daudela erakutsi baitute”.
Gaiak
Honetaz gain, Udalak azpimarratu duenez porposamenen artean gai bat modu harrigarrian gailendu da, “lanbideak” gaia. Honek 250 lagun baino gehiagoren babesa izan du.
Hurrengo proposamenak “bideoklipak”, “Izarretako Gerra” eta “animaliak” izan dira.
Aukeraketa
Udalak aurreratu duenez, martxoaren 2an bilera egingo da konpartsekin, 2016ko Inauterien balorazioa egiteko eta 2017rako gaia hautatzeko, betiere egindako proposamenak oinarritzat hartuta.
Behin erabakia hartutakoan, herritarrei ezagutzera emango zaie, datorren urteko mozorroak eta karrozak garaiz prestatuz joateko aukera izan dezaten.