Jon Herrerok berriz, brontzezko domina kolkoratu zuen txapelketan. Gorka Aristegi prestatzailea oso gustura dago haren mutilek Gasteizen emandako mailarekin: “Kalitate handiko borrokaldiak egin zituzten denek”, azpimarratzen du. Bihar Monzalbarban (Zaragoza) konpetituko dute kadeteek.
LOKEko judokek emaitza bikainak erdiesten jarraitzen dute Euskal Herri osoko tatamietan. Pasa den asteburuan Gasteizen aritu ziren junior mailakoak. Maila bikaina eman zuten borrokaldi guztietan: Fermin Balda herritarrak zilarrezko domina kolkoratu zuen eta baita Eneko Eizagirre oriotarrak ere.