Abenduaren 4an, Estatuko Kongresu eta Senatua eratzeko hauteskunde kanpaina hasi zen eta gure herrian ere antzeman zen alderdi ezberdinak kalera atera baitziren kartelak itsastera.
Larrosa banaketa
Bestelako ekintzak ere izan dira, PSE-EEko Rafaela Romero Kongresurako hautagai-zerrendako bigarren kideak eta herriko alderdikideek asteazkenean azokan larrosak eta beste objektu batzuk banatu zizkieten herritarrei.
EH Bildu
Atzo arratsaldean, berriz, EH Bildu alderdiaren ekitaldia izan zen Manuel Lekuona kultur etxean.
Marian Beitialarrangoitia Kongresurako zerrendaburua, Oskar Matute bozeramailea eta Naike Diez zerrendakidea izan ziren. Haustura demokratikoa aldarrikatu zuten, eta urte hauetan Madrilen egindako lanari jarraipena emateko desioa erakutsi zuten.
Txorizo jana
Bestetik gaur, Podemos-Ahal dugu alderdiko kideek txorizo jana antolatu dute 18:00etatik aurrera Okendo plazan.
Bertan izango dira Kongresu eta Senaturako zerrenda buruak diren Nagua Alba donostiarra eta Josetxo Arrieta irundarra, hurrenez hurren. Txorizoa dastatzeaz gain, herritarrek galderak egiteko aukera ere izango dute.