Kale Nagusiko (Oztaraneko eta Tajamarreko biribilguneen arteko tartea), Pintore, Juan de Garai, Pablo Mutiozabal, Geltoki eta Iñigo de Loiola kaleetako, Atsobakar etorbideko eta Sasoeta ibilbideko asfaltoak izango dira berrituko direnak. Horrez gain, gaur egun aparkaleku gisara erabiltzen den Arranbideko zelaia ere asfaltatuko da.
Berritze lanak egiten hasi aurretik zuinketa akta sinatu behar dute Udalak eta Orsak. Hori egindakoan, 23 egun izango ditu enpresak lan horiek egiteko, eguraldiak laguntzen badu beti ere. 5 urteko bermea izango dute lanek.
Udalak nabarmendu duenez pneumatiko birziklatuekin egindako nahastura erabiliko dute asfaltoaren konposatuan, “iraunkorragoa” izan dadin. Horrez gain, antikarburanteak ere edukiko ditu Arranbideko zelaikoak, arrazoi beragatik.