5 urterako alokairuko erregimeneko 131 plaza irekiak gehienez ere beste 5 urtez prorrogatu ahalko dira. Hauek dira plazen ezaugarriak udalak jakitera eman duenez:
1 kategoria: 17 m² baino gutxiagoko 117 plaza, hilean 60 euroan
2. kategoria: 20 m² baino gutxiagoko 10 plaza, hilean 65 euroan
3. kategoria: 26 m² baino gutxiagoko 3 plaza, hilean 70 euroan
4. kategoria: 26 m² baino gehiagoko plaza bat, hilean 90 euroan
Horiez gain, 18 plaza ireki lizitaziora aterako dira, erregimen demanialean, 10 urterako kontzesioarekin. Kasu honetan, denak 17 m² baino gutxiagokoak dira, eta hilean 60 euroko errenta izango dute.
Eskaera Udaletxeko Erregistro Orokorrean egin beharko dute herritarrek eta baldintzak udalaren webgunean kontsulta daitezke www.lasarte-oria.eus dagoeneko. Oraindik eskaerak egiteko epea ez du zabaldu Udalak, hau aurki adieraziko dela aipatu dute.
Eskaera egiten dutenekin garaje-plazen eskatzaileen erregistro bat osatuko du udalak, etorkizuneko esleipenetarako irekia. Eragin-aldean bizi direnek, jarduera ekonomiko bat dutenek edo lan egiten dutenek puntuazio handiagoa izango dute adjudikazioko irizpideetan. Udalerrian beste garaje-plazarik ez edukitzea ere baloratuko dela azpimarratu dute udaletik.