Bi erregistroak uztartu zituen Pettik. Batetik, goxo agertu zen, abesti geldoak eta melodia atseginak kantatuz. Bestetik, gitarraren laguntzaz, entzuleak elektrokutatu zituen bere ahots indartsuarekin.
Jalgi Kafe Antzokira gerturatu ziren herritarrek Berako bakarlariaren ikuskizunarekin gozatu ahal izan zuten. Bere abestiak beste abeslari ospetsuen bertsioekin uztartu zituen.
'Xalbadorren Heriotza'-ren moldaketa berezia eskaini zuen kontzertuaren hasieran, besteak beste. Maiatzean Donostian izango dela baliatuz, Bruce Springsteen-en abesti batekin ere ausartu zen. Beste hainbatetan bezala, Jimi Hendrix gitarrajole handiak ezagutera emandako 'Hey Joe' kantaren bertsioak arrakasta izan zuen lasarteoriatarren artean.
Bere diskoetan euskal idazleen hitzak musikatu ditu Pettik. Harkaitz Cano lasarteoriatarrarenak abestu zituen, besteak beste, Jalgin.