San Marcial eta Uzturre plazetako beheko lokalak eraisteko lanak bertan behera gelditu dira aldi baterako.
Lasarte-Oriako Udalak azaldu duenez, aurreikusi gabeko kontua izan da. Izan ere, amiantoa duten fibrozementuzko hodiak agertu baitira.
Hauek kentzeko proiektu zehatz bat aurkeztu behar izan dio Udalak Eusko Jaurlaritzari. Gainera, amiantodun materiala denez espezializatutako enpresa berezi bat sartuko da hodiak erretiratzeko.
Orain Jaurlaritzaren onespenaren zain daude eta porzesuak bi hilabeteko luzaera izatea aurreikusten da.
Telefonicako kableak
Honetaz gain, Udalak jakitera eman duenez, Telefonicak zonaldeko sarea aldatu eta beheko lokaletako fatxadetatik zintzilika dauden kableak kendu behar ditu.
Kableak lurperatzeko beharrezkoa den obra zibila hasi da. “Baina Telefonicak berak aldatu behar du kableria” azpimarratzen du Udalak.
Udal Gobernua penatua
Udal Gobernuak bere atsekabea agertu da lanen atzerapena dela eta, “erabat penatzen gaitu atzerapenak. Espero dugu, bizilagunek irrikaz espero duten obra, beheko lokalak eraisteko lanarekin bukatzea eta agindutako epearen barruan bukatu ahal izatea”.
Era berean, Udal Gobernu berriko taldeak zonaldeko gainerako beheko lokalen eraisketa proiektuarekin jarraitzeko borondatea agertu du. Eta horretarako behar diren errekurtsoak jarriko dituzte aurrerantzean.