Zaballosen hitzetan; “Lasarte-Oriako alkate naizen aldetik, nire lehen konpromisoa lasarteoriatar guztiei entzutea da. Ez dut gure udalerria gobernatzeko beste modurik ulertzen ez bada herritarren kexak, beharrak eta proposamenak aintzat hartuz”.
Era honetara, alkatearekin bilera egin nahi duen edonori arreta eskaintzeko, Alkatetzako bulegoaren ateak irekitzea erabaki du Zaballosek, astelehen eta asteazken arratsaldeetan.
Nahi duenak hitzordua eska dezake alkatetzako 943 376 178 telefonora deituz, edo e-mail bat bidaliz, alkatetza@lasarte-oria.eus helbidera.