Zabaletako bizilagunek jai egitarau zabala prestatu dute aurtengoan ere. Ohi bezala lehenengo egun hauetan haurrentzako ekintzak nagusituko dira. Gaurkoan haur asko bildu dira euren eskulanak egitera. Material birziklatua erabili dute joko eta bitxiak egiteko eta marrazkiak ere egin dituzte besteak beste. Horretaz gain, kamiseta zuriarekin gerturatu direnek aukera izan dute hauek koloreztatzeko.
Ondoren klasiko bihurtu diren japoniar bonben txanda izango da.
Bihar ordutegi berean, hau da, 18:00tan hasita, herri-kirolak, haurren jolasak, opari arrantza eta antzerkia.