Tailerra 2.012 urtean jaiotako haur eta haien guraso, aiton-amona edo osaba-izebei zuzendua dago.
Eskulanak, masajea eta eskujolasen bitartez, haien gorputza ezagutu eta sentituko dute txikiek.
Sasoeta-Zumaburu ikastetxeko Zumaburuko eraikineko psikomotrizitate gelan egingo da tailerra, ostegunean, maiatzak 7, arratsaldeko 18:15etik 19:00etara.
Antolatzaileek aldez aurretik izena ematea gomendatzen dute. Era berean, haurrek heldu batek lagunduta joan behar dutela azpimarratu dute. Izen ematea 943 37 14 48 zenbakira deituz edo aisia@ttakun.com helbidera mezua bidaliz egin behar da.