Larunbat honetan Espainiako Superkopa jokatuko dute kadeteek Hondarribian. Ander Garrido, Jon Herrero, Yeray Mendibe, Alex Saleta eta Mikel Lasa ariko dira proba horretan. Igandean berriz, alebinen eta eskola kiroleko gaztetxoen txanda izango da, Hondarribian bertan baita ere.
Espainiako Kopa jokatu zuten LOKEko judoka infantil eta juniorrek Tortosan (Herrialde Katalanak), emaitza bikainak erdietsiz. Jesus Curiel infantilak brontzezko domina jantzi zuen, borrokaldietan maila bikaina erakutsiz. Seitan aritu zen denera. Bestalde, Fermin Balda juniorra bosgarren izan zen sailkapenean eta maila oso txukuna eman zuen.