Bizkaian jokatu zuen 3. Nazionaleko taldeak, Gallartan. Sailkapeneko erdialdeko aurkari zuzen baten aurka jokatu zuten herritarrek, zelai zailean. Biek aukera ugari izan arren, 0-0 berdindu zuten. Defentsaren jardun ona erabakigarria izan zen ateak hutsean mantentzeko eta bi taldeetako atezainek ere lan bikaina egin zuten. Orain, sailkapeneko 7. postuan dago Ostadar Antonio Aroztegia, 15 punturekin. Lehen postuak urrun dituzte, baina azkenekoak ere bai, beraz, mailari eusteko helburu horretan fin ari dira Lourdes Murilloren mutilak.
ISUren berdinketa
Azkenik, ISU Leihoak-ek berdinketa besterik ezin izan zuen erdietsi Barrantol FKren aurka, Gipuzkoako 1. mailako 12. jardunaldian. Hiruna berdindu zuten herritarrek partida nahasi batean eta sailkapeneko 9. postuan ageri dira jaitsiera postuetatik lau puntura. Datozen asteetan taldeak gora egingo duenaren itxaropena dute ISUko jokalari eta prestatzaileek.