Horietako zortzi lasarteoriatarrak izan ziren. Endika Gartzia izan zen azkarrena; 4 ordu eta 36 minututan osatu zuen ibilbidea, zortzigarren postua eskuratuz. Jose Ignacio Elviara 163. postuan sailkatu zen 6:13ko denborarekin; handik zazpi minutura helmugaratu zen Iñaki Letamendi 187. postuan; Juan Mari Marcos izan zen hurrengoa, 207. postua eskuratu zuen 6:30eko denbora eginda; 256. izan zen Peio Fadrique 6:50eko denborarekin; justu ondoren iritsi zen helmugara Antonio Urruzola, 52 segundo beranduago eta, azkenik, 290. postua erdietsi zuen Ibon Gurrutxagak 7:10eko denbora egin ostean.
Ivan Granado herritarrak ezin izan zuen proba amaitu. Gogorra izan zen lasterketa, eguraldi lainotua eta lokatza izan ziren korrikalarien oztopo nagusiak.